Ka whakaturehia te ārai ki te tuanui, ki raro hoki i te papa ki ngā kāinga rīhi katoa atu i te 1 Hōngongoi 2019.

Ko ngā kaituku rīhi kāore e ū ki ngā ture ka mahi i tētahi mahi taihara, ā, ka whiwhi pea i tētahi whiu tae ake ki te $4,000.

He aha ngā mahi mā ngā kaituku rīhi?

1. Hihiratia mēnā rānei ka taea te kōkuhu ārai

He rerekētanga i tēnei here e hāngai ana ki ētahi momo whare.

Hei tauira, ko aua whare e kore rawa e taea te ārai, ka hiahiatia rānei ngā whakahounga kaitā kia pērā.

Me pēhea te whai mōhio mēnā e hāngai ana tētahi rerekētanga ki tō whare

2. Aromatawaihia tō ārai o nāianei                  

Ka taea te aromatawai i tō ārai mā tētahi o ēnei:

  • Te āta titiro ki tō rua tuanui, ki tō wāhi ki raro i te papa
  • Utua tētahi ngaio ki te whakamahi i tētahi aromatawai
  • Tiro atu ki te kōnae hanga whare kei te kaunihera

Mehemea ka utu koe i tētahi ngaio, ka taea te rapu i ngā kaiwhakarato ārai ki te ipurangi.

Me whiwhi koe i ngā utu e toru nui ake rānei i mua i tō whakawhirinaki atu ki tētahi kaiwhakarato.

He kōrero anō e pā ana ki te aromatawai ārai [PDF, 2.5 MB] [PDF, 1.4 MB]

Te tiro me te kōkuhu haumaru i te ārai

3. Kōkuhuna, whakapaparia rānei te ārai i te wā e hiahiatia ana

Me kōkuhu ngā kaituku rīhi i te ārai ki te tuanui, ki raro i te papa hoki, ina ka taea.  Me ū te ārai ki ngā ture, me haumaru te kōkuhu.  Kāore i te whakaturehia te ārai pakitara.

Ko te whakatutuki i ngā here mō te ārai ā-ture

E hāngai ana te utu ki te rahi, ki te āhuahanga, ki te wāhi o tō whare. Hei āhua whakaatu, ko te utu toharite kia kōkuhu tētahi kaiwhakamau ngaio i ngā ārai tuanui, papa anō hoki kua tata ki te $3,400 kore GST mō tētahi whare 96m2. Me tatari koe kia nui ake te utu mō tētahi kāinga rahi ake.

E āhei ana te ārai te tāuta ki te nuinga o ngā kāinga i te rangi kotahi.

Ka rerekē ngā wā tatari mō te aromatawai, mō te whakarite i te wā mō te mahi e ai ki tō pito o te motu, ki ngā tonotono o nāianei.

Ko te rā whakamutunga hei te 1 Hōngongoi 2019, nō reira ka tere whakakīia pea te wā kei ngā kaitāuta ārai.

Mō ētahi atu mōhiohio, tae atu ki ngā rārangi o ngā kaiwhakamau whakapūmau, toro atu ki:

The Insulation Association of New Zealand (external link)

Te Tari Tiaki Pūngao (EECA) (external link)

4. Whakapūmautia kia whai tauākī ārai ō whakaaetanga rīhi

Ko te katoa o ngā whakaaetanga rīhi hou me whai i tētahi tauākī ārai tūtahi e pā ana ki te ārai kei te kāinga, te wāhi, me te momo o taua ārai.

Whakamahia tā mātou tātauira tauākī ārai hei tiaki kua whakaurua e koe te katoa o te mōhiohio kei te hiahiatia i raro i te Residential Tenancies Act.

Ki te whakamahi koe i tā mātou tātauira whakaaetanga rīhi kei roto kē te tauākī ārai.

Tātauira tauākī ārai [PDF, 490 KB]

Tātauira whakaaetanga rīhi [PDF, 320 KB] [PDF, 1 MB]

Me pēhea ki te kore i tutuki i ngā kaituku rīhi ngā ture ārai?

Hāunga te hāngaitanga o tētahi rerekētanga, ko ngā kaituku rīhi kāore anō kia kōkuhu i te ārai kei te hiahiatia ki ō rātou whare rīhi i mua i Hōngongoi 2019 kei te takahi i te Residential Tenancies Act.

Me utu pea rātou i tētahi whiu tae ake ki te $4,000, i te nuinga o te wā ka utua ki te kairīhi.

Ko ngā kaituku rīhi he nui ake ō rātou rīhi i te kotahi, ka whiwhi pea i ngā whiu tūtahi mō ia whare kāore i te ū.

Kātahi me kōkuhu tonu rātou i te ārai e whakatutuki ana i te paerewa tika.

Ko ngā kaituku rīhi kāore tonu e ū whai muri mai i te utu i te whiu, ka hāmenetia pea ki tētahi mahi taihara anō.

Ko te whakatutuki i ngā here mō te ārai ā-ture

He aha ngā whaipainga o te ārai?

Mā te ārai e mahana ai, e maroke ai tō whare rīhi, ā, ka māmā ake, ka iti iho te utu mā ngā kairīhi hei whakamahana.

Ko ngā kāinga rīhi mahana, maroke hoki he mea āwhina i ngā kairīhi hei karo i ngā māuiui, ā, ka tinga rawa kia roa ake tā rātou noho.

He tikanga pakihi pai hoki te tiaki i tō whakangao, mā te whakaū i te pai o te āhuatanga o tō whare.