E amata i le aso 1 Iulai 2019, ona faamalosia le faapipii o mea i luga o le taualuga ma lalo i le fola e faamafanafana ai fale mautotogi uma.

O se solitulafono le lē usitaia o aiaiga e tagata e pulea fale ma e ono faasala ai i se sala tupe e oo atu i le $4,000.

O ā mea e tatau ona fai e tagata e pulea fale?

1. Siaki pe mafai ona faapipii mea e faamafanafana ai le fale

E iai isi ituaiga fale e lē talafeagai ai aiaiga nei.

Faataitaiga, e lē mafai ona faamafanafana ona o le ituaiga fausaga o le fale, pe seʻiloga e toe faafou atoa le fale ona faatoa mafai lea.

Faapefea ona e iloa poo aofia ai lou fale mautotogi i aiaiga nei?

2. Fai se suesuega i le tulaga tau mafanafana o le fale o loo iai i le taimi nei

E mafai ona e suesueina le tulaga tau mafanafana o lou fale i lou:

  • Vaavaai lelei i le taualuga ma le fola o le fale
  • Faatonu se tagata agavaa e faatinoa le suesuega
  • Siaki le faila o mea tau fale a le council

Afai e te manao e faatonu se tagata agavaa, e mafai ona maua kamupani e faatinoa lea tulaga i luga o le initaneti.

E tatau ona e tāpā ni fua faatatau se tolu o le tupe faaalu mo le galuega aʻo e lei filifilia se kamupani.

Nisi faamatalaga mo le suesueina o mea e faamafanafana ai fale [PDF, 2.5 MB]  (More about assessing insulation)

Ia saogalemu le siakiina ma le faapipiiina o mea e faamafanafana ai le fale (Checking and installing insulation safely)

3. Faapipii pe toe faamafiafia atili mea e faamafanafana ai le fale e pei ona moomia

E tatau i tagata e pulea fale ona faapipii mea faamafanafana i le taualuga poo lalo o le fola, poo fea lava le itu e faigofie ona faatino ai lea tulaga.  E ao ona usitaia tulafono ma ia saogalemu auala e faapipii ai. E lē faamalosia le faapipiiina o mea faamafanafana i puipui o fale.

Usitaia o aiaiga ua faamalosia mo le faamafanafanaina o fale

E fuafua le tau o le galuega i le telē, fausaga ma le nofoaga o loo tu ai lou fale.

Mo se fua faataitai, o le faatatauga o le tau mo se tagata agavaa e faapipiia mea e faamafanafana ai i le taualuga ma lalo o le fola mo se fale e 96m2, e tusa ma le $3,400 e lē o aofia ai le lafoga (GST).E tatau ona sili atu lau tupe e totogi nai lo lena aofaiga pe afai e telē atu lou fale.

O le tele o fale, e tasi lava le aso e mafai ona faapipii uma ai mea e faamafanafana ai.

E eseese lava taimi faatalitali mo le siakiina, ma le faagasologa o le galuega, auā e fuafua i le nofoaga o loo e nofo ai i le atunuu, ma mea o loo moomia i le taimi nei.

E ono faigata ona maua se tagata o avanoa e faia le galuega, talu ai ua lē o toe mamao le taimi faatapulaaina i le aso 1 Iulai 2019.

Mo nisi faamatalaga, e aofia ai ma auaunaga ua pasia e faatinoina galuega, silasila i le:

The Insulation Association of New Zealand (external link)

The Energy Efficiency Conservation Authority (external link)

4. Ia mautinoa o loo aofia i lau maliega mo fale mautotogi se faamatalaga i le faamafanafanaina o le fale

O maliega fou uma lava mo fale mautotogi, e tatau ona aofia ai se faamatalaga faapitoa ua uma ona sainia mo le faamafanafanaina o le fale, o loo ta‘ua ai le ituaiga metotia o loo faaaogā e faamafanafana ai le fale ma vaega tonu o le fale o loo faapipii ai.

E mafai ona e faaaogā le matou auivi o le faamatalaga mo le faamafanafanaina o le fale ina ia mautinoa ai ua e faatino uma tulaga o loo moomia e tusa ai ma le tulafono o le Residential Tenancies Act.

Afai o loo e faaaogāina le matou auivi o maliega mo fale mautotogi, o lena la ua aofia ai ma le faamatalaga mo le faamafanafanaina o fale.

Auivi o le faamatalaga mo le faamafanafanaina o le fale [PDF, 103 KB] (Insulation statement template)

Auivi o le maliega mo fale mautotogi [PDF, 337 KB] (Tenancy agreement template)

Faapefea pe afai e lē o ausia e tagata e pulea fale, tulafono mo le faamafanafanaina o fale?

Seʻi vaganā e iai se tulaga ua avea ma ʻalofaga, ae o se solitulafono pe afai e oo atu ia Iulai 2019 e lei faapipiiina e tagata e pulea fale mea e faamafanafana ai a latou fale mautotogi e tusa ai ma le tulafono o le Residential Tenancies Act.

E ono latou totogi le sala tupe e oo atu i le $4,000, lea e masani ona totogi atu i le tagata o loo nofo mautotogi ai i le fale.

O tagata e sili atu ma le tasi ni fale mautotogi o loo ia puleaina, e ono faasala mo fale taitasi uma e lē o usitaia taiala ua faatulagaina.

E moomia pea ona latou faapipiiina mea e faamafanafana ai fale e tusa ai ma le faatulagaga saʻo.

Soo se tagata e pulea fale o loo faaauau pea lona lē usitaia taiala e ui ua uma ona totogi se sala tupe, e ono lavelavea i nisi faasalaga.

Usitaia o aiaiga ua faamalosia mo le faamafanafanaina o fale (Meeting the requirements for compulsory insulation)

O ā aogā o le faamafanafanaina o fale?

E fesoasoani le faamafanafanaina o fale e mautinoa ai o loo mafanafana ma mago totonu o lou fale mautotogi, ma faigofie ai i tagata o loo nofoia ona maua le mafanafana.

E fesoasoani le mafanafana ma le mago o fale mautotogi, e ‘alofia ai le maua i faamaʻi ma fiafia ai pea tagata e nonofo ai i le fale.

O se faiga faapisinisi lelei foi le puipui lelei o au alamanuia, e ala i le teuina o lou fale mautotogi i se tulaga lelei i taimi uma.